Túrkistan oblysynyń bas ımamy taǵaıyndaldy (FOTO)
QMDB Tóraǵasy, Bas múftı Naýryzbaı qajy Taǵanulynyń buıryǵymen Túrkistan oblysynyń ımamy bolyp Erkebulan Qaraqulov taǵaıyndaldy.
Jańa bas ımamdy Túrkistan qalasynyń jamaǵatyna QMDB Tóraǵasynyń orynbasary, naıb múftı Ershat Ońǵarov tanystyrdy. Al buǵan deıin oblystyń bas ımamy qyzmetin atqarǵan Musabek Aqtamberdi Shymkent qalasy bas ımamynyń birinshi orynbasary qyzmetine taǵaıyndaldy.
Naıb múftı Ershat Aǵybaıuly ókildiktegi ózgeristerdiń múftııattyń jumysyna oń serpin beretinin atap ótti. Sondaı-aq, Erkebulan Qaraqulovqa jumys baǵyttaryn túsindirip, qyzmetine bereke tilep, senim bildirdi.
Al Shymkent qalasynyń ortalyq meshitine aýysyp jatqan Musabek Aqtamberdige jergilikti jamaǵat aq jol tilep, ıyǵyna qazaqy dástúrmen shapan japty.
