TÚRKISTANDA ǴULAMALAR KEŃESINIŃ 48-ShI MÁJILISI BASTALDY

Búgin Túrkistan qalasynda Bas múftı Naýryzbaı qajy Taǵanulynyń tóraǵalyǵymen Qazaqstan musylmandary dinı basqarmasy janyndaǵy Ǵulamalar keńesiniń 48-shi májilisi bastaldy.

Májilistiń kún tártibinde birqatar mańyzdy máseleler qaralýda. Atap aıtqanda, QMDB-nyń «Adal qoǵam» tujyrymdamasy (ıslam qundylyqtary negizinde), jasandy ıntellekt tehnologııalaryna negizdelgen «Imam AI» mobıldi qosymshasynyń jobasy, sondaı-aq «Aýdarmashylar alqasy» aıasynda qazaq tiline aýdarylatyn klassıkalyq eńbekter jobasy talqylanýda.

Sonymen qatar keńes músheleri birqatar ózekti pátýalardy qarastyrýda. Olardyń qatarynda kelisimshartta ýádeni oryndaý úkimi, jalǵa berilgen jerdiń ushyryn berý úkimi, chaıldfrı úkimi, keıinnen múlikti ıelený quqyǵymen jalǵa alý (Ijarah)úkimi jáne qurbandyq etin satýdyń úkimi bar.

​