Túrkistanda H Respýblıkalyq Quran kárim jarysy ótedi
Qazaqstan musylmandary dinı basqarmasynyń uıymdastyrýymen qazan aıynda qasıetti Quran Kárimdi jatqa jáne mánerlep oqýdan H respýblıkalyq baıqaý ótedi.
Ardaqty Paıǵambarymyz (oǵan Allanyń salaýaty men sálemi bolsyn) hadısinde: «Senderdiń eń jaqsylaryń – Qurandy úırenip, ony basqalarǵa úıretkenderiń», – dep aıtqandaı, Dinı basqarma jyldaǵy dástúr boıynsha H Respýblıkalyq Quran saıysyn Táýelsizdigimizdiń 30 jyldyq mereı toıyna oraı qazan aıynyń 6-7 kúnderi kıeli Túrkistan shaharynda ótkizýdi josparlap otyr. Saıys Quran Kárimniń 30 parasyn, 20 parasyn, 10 parasyn jatqa oqý jáne mánerlep oqý nomınatsııalary boıynsha uıymdastyrylady.
Quran jarysyna qatysýshylarǵa qoıylatyn talaptar:
– Qurandy qatesiz jatqa jáne tájýıdimen kórkem oqýyna basa mán beriledi;
– úmitker óz oblysyndaǵy aldyn ala irikteý saıysynda 1-oryn alǵan jaǵdaıda ǵana jarysqa joldama alady;
– tolyq Qurandy jatqa oqý nomınatsııasy boıynsha qatysatyn úmitker Respýblıkalyq, halyqaralyq jarystarda júldeli oryn almaǵan bolýy kerek;
– úmitker QR er azamaty bolýy kerek;
– úmitkerdiń 30 jastan aspaǵan bolýy kerek;
– úmitker jarysqa tek bir nomınatsııa boıynsha ǵana qatysa alady.
Qajetti qujattar:
- Úmitkerdiń anketasy;
- Jeke kýálik kóshirmesi;
- Irikteý saıysynyń sertıfıkat kóshirmesi;
- Oblys Bas ımamynyń usynys haty.
Jeńimpazdar men júldegerlerge avtokólik pen qarjylaı syılyqtar tabystalyp, arnaıy sertıfıkattar beriledi. Nomınatsııalar:
1. Tolyq Qurandy jatqa oqýdan:
1-oryn (Avto kólik)
2-oryn (3 000 000 tg.)
3-oryn (2 000 000 tg.)
2. Qurannyń 20 parasyn jatqa oqý boıynsha:
1-oryn (2 000 000 tg.)
2-oryn (1 500 000 tg.)
3-oryn (1 000 000 tg.)
3. Qurannyń 10 parasyn jatqa oqý boıynsha:
1-oryn (1 500 000 tg.)
2-oryn (1 000 000 tg.)
3-oryn (750 000 tg.)
4. Qurandy mánerlep oqý boıynsha:
1-oryn (1 000 000 tg.)
2-oryn (700 000 tg.)
3-oryn (500 000 tg.)
