TÚRKIIa MÚFTII QMDB TÓRAǴASYNA KÓŃIL AITÝ HATYN JOLDADY

Túrkııa Din isteri basqarmasynyń tóraǵasy, Doktor Álı Erbash QMDB Tóraǵasy, Bas múftı Naýryzbaı qajy Taǵanulyna elimizdiń birneshe aımaǵynda bolǵan sý tasqynyna baılanysty kóńil aıtý hatyn joldady.

«Qazaqstan halqynyń basyna kelgen osyndaı qıyn-qystaý kezeńdegi ashy qasiretti jan-tánimizben sezingendeı kúıdemiz. Osynaý qıyn shaqtyń tez arada aıaqtalyp, budan keıin tabıǵı apattardyń baýyrlas qazaq elinde bolmaýyn tileımiz. Alla Taǵala sý tasqyny kezinde qaıtys bolǵan baýyrlarymyzdy meıirimine bólep, zardap shekkenderge jeńildik bergeı. Túrkııa Din isteri basqarmasy jáne ózimniń atymnan ystyq yqylasymyzdy joldap, árdaıym kómektesýge, qoldaý bildirýge daıyn ekenimizdi jetkizgim keledi» delingen Túrkııa múftıiniń kóńil aıtý hatynda.