Ulaǵatty ustazdarǵa arnalǵan halyqaralyq konferentsııa aıaqtaldy (FOTO)
Túrkistan oblysy Saryaǵash aýdanynda QMDB uıymdastyrýymen ótken «Din rýhanııatynyń ulaǵatty ustazdary» atty ǵylymı-tanymdyq konferentsııa máresine jetti.
Alqaly basqosý Qasıetti Quranmen bastalyp, Bas múftı batasyn jasady. Keıin Naýryzbaı qajy Taǵanuly Óziniń arnaıy baıandamasyn usynyp, jıynǵa kelgen mártebeli meımandarǵa alǵysyn jetkizdi.
Konferentsııaǵa arnaıy kelgen Ózbekstan, Qyrǵyzstan musylmandary dinı basqarmasynyń tóraǵalary Ýsmanhan Alımov pen Joroboı qajy Sherǵazyev Dinı basqarma ujymyna alǵysyn bildirip, Smanovtar áýleti jaıynda júrekjardy izgi nıetterin arnady.
Sondaı-aq QMDB Ǵulamalar keńesiniń múshesi Shamshádın Kerim, Sharıǵat jáne pátýa bóliminiń meńgerýshisi Sansyzbaı Qurbanuly Ábdisattar, Ábdiǵappar Shákiruly jaıly óz estelikterimen bólisti.
Jıyn sońynda ulaǵatty ustazdarǵa arnap baǵyshtalǵan Quran Hatym duǵasyn Bas múftı Naýryzbaı qajy Taǵanuly oqyp, áýletke duǵa jasady.
Eske sala keteıik, aıtýly konferentsııaǵa QMDB tarapynan naıb múftı Ershat Aǵybaıuly, Apparat basshysy Ǵylymbek Jádigeruly, bólim basshylary men oblys bas ımamdary qatysty.
