Ulttyq akkredıtteý ortalyǵymen kezdesý ótti (FOTO)
Búgin Qazaqstan musylmandary dinı basqarmasynda QR Úkimeti anyqtaǵan sáıkestikti baǵalaý aıasyndaǵy akkredıtteý jónindegi jalǵyz ulttyq organ Ulttyq akkredıtteý ortalyǵynyń jaýapty qyzmetkerlerimen kezdesý ótip, «Halal» ónimderin sertıfıkattaýmen aınalysatyn mekemelerdi akkredıtteýge qatysty birqatar máseleler talqylandy.
Atalmysh kezdesýge Bas múftıdiń keńesshisi Baltabaı Ýájıtuly, QMDB apparat basshysy Ǵylymbek Májıev, UAO dırektorynyń orynbasary Ernar Asqaruly, departament dırektory Almat Orynǵalıuly jáne «Halal Damý» JShS dırektory Aıbek Asqarbekuly, jaýapty mamandar qatysty.
Kezdesýde aldymen Elbasy Nursultan Nazarbaevtyń «Jol kartasy» baǵdarlamasynda kórsetilgen otandyq aýylsharýashylyq ónimderin Parsy shyǵanaǵy elderine «HALAL» tańbasymen Eksporttaýdy iske asyrý maqsatynda, osy saladaǵy birden bir ókiletti organ retinde «Halal Damý» standarttaý jáne sertıfıkattaý uıymyn halyqaralyq ESMA-dan (Birikken Arab Ámirlikteriniń metrologııa jáne standarttaý basqarmasy) akkredıtteýden ótkizý máselesi jan-jaqty talqylandy.
Bıyl akkredıtteý jumystaryn júıelendirý maqsatynda «Halal Damý» JShS birqatar sharalardy júzege asyryp, halyqaralyq ESMA uıymynyń talaptaryna sáıkestendirý boıynsha jumystar jasaǵanyn aıta ketken jón.
Kezdesý sońynda kún tártibine usynylǵan máselelerdiń mańyzdyǵyn moıyndaı kelip, UAO men «Halal Damý» JShS aldaǵy jylǵa josparlanǵan ESMA-dan akkredıtteýden ótýmen baılanysty sharalardy jáne oǵan qajetti qujattardy retke keltirýdi, sondaı-aq «halal» ındýstrııasyn odan ári damytý, sapasyn arttyrý jumystaryn áriptestik deńgeıde kelise, birlese otyryp atqarýǵa ýaǵdalasty.
