Ýsmanhan Alımov: Qos ustaz da maǵynaly ǵumyr keshti (FOTO
Búgin Túrkistan oblysy Saryaǵash aýdanynda bastalǵan Ábdisattar, Ábdiǵappar Shákiruldarynyń rýhyna arnalǵan «Din rýhanııatynyń ulaǵatty ustazdary» halyqaralyq ǵylymı-tanymdyq konferentsııasyna arnaıy kelgen Ózbekstan musylmandary dinı basqarmasynyń tóraǵasy Ýsmanhan Alımov quttyqtaý sózin jetkizip, baıandama jasady.
«Koronavırýs pandemııasy din álemine de óziniń úlken synaǵyn ákeldi. Halqymyzdyń basyna túsken syndarly kúnder kórshi elderge de ortaq. Osy rette byltyr atalǵan indetten kóz jumǵan Ábdiǵappar Shákirulynyń qazasyna kóńil aıtamyn.
Ábdisattar, Ábdiǵappar Shákiruldary berekeli, mazmundy ǵumyr keshti. Olar Qazaqstandaǵy Islam dininiń keń qanat jaıýyna, búgingi musylman úmbetiniń túsinistigin, jaýapkershiligin sezinýdi qalyptastyrýda úlken eńbek atqardy. Osy eki din ǵalymy ońtústik ólkede ultaralyq tatýlyqty saqtaýda, jamaǵatty uıystyryp, meshit salý isinde jumyla jumys isteýdiń ozyq úlgisin kórsetti. Alla Taǵala osyndaı saýapty isterine óz syıyn bersin», – dedi Ýsmanhan Alımov.
