Jambyl oblysynda 9 otbasy baspanaly boldy (FOTO)
QMDB Tóraǵasy, Bas múftı Naýryzbaı qajy Taǵanuly Jambyl oblysyna sapary barysynda 9 baspananyń kiltin tabystady.
Oblystyń úsh aýdanynda 309, 310, 311, 312, 313, 314 jáne 3 qyzmettik úıdiń kilti jańa ıelerine tabystaldy. Jambyl oblysy Talas aýdany Aqqum aýylyna arnaıy barǵan Bas múftı bir qyzmettik jáne bir jeke úıdiń kiltin berdi. Igi shara «Asarlatyp úı salý jobasy» aıasynda júzege asqan. Aýyl turǵyndary járdem berip, az ýaqytta eki baspana qatar usynyldy.
«Jaqsylyqty bólisseń, kóbeıedi, degen. Synaqqa toly ómirde bizdiń ǵumyrymyz osyndaı jaqsy isterden turýy tıis. Osyndaı qaıyrymdy isterdiń uıytqysy bop júrgen aýyl turǵyndaryna Alla razy bolsyn! Baspanaǵa muqtaj azamattardyń isine Alla jeńildik bersin. Búgin aq túıeniń qarny jarylyp, aqjoltaı jańalyqqa toldy. Endeshe bári sátimen bolǵaı. Bizdiń ımamdar, qaıyrymdy jandar osyndaı qysyltaıań ýaqytta da toqtamaı, úlgi isterin jalǵastyrýda. Ónege is jalǵasyn tapsyn», – dep Bas múftı de aǵynan jaryldy.
Qaıyrymdylyq sharasynan keıin jańa úıdiń aýlasyna aǵash otyrǵyzyldy. Aýyl turǵyndary mundaı ıgi sharanyń aldaǵy ýaqytta da jalǵasatynyn jetkizdi. Sondaı-aq, qaıyrymdylyq shara barysynda aýyl aýrýhanasyna 1 IVL apparaty berilip, 10 otbasyǵa azyq-túlik taratyldy.
