«JÁNNATQA JETELEITIN RAMAZAN» ATTY RÝHANI KESh ÓTTI

QMDB Astana qalasy ókildigi Áziret Sultan meshitine qarasty «Inabat» qyz-kelinshekter klýbynyń uıytqy bolýymen «Jánnatqa jeteleıtin Ramazan» atty rýhanı kesh bolyp ótti. Kesh Qala bas ımamy Erbolat Nuryldaulynyń alǵy sózimen bastaldy. Ol búgingi keshtiń mańyzdylyǵyn alǵa tarta otyryp, Ramazan aıynyń qadir-qasıeti týraly nasıhat aıtty.  Qasıetti aıdyń mańyzdylyǵyn uǵyndyrýǵa arnalǵan keshke 200-ge jýyq qonaq qatysyp, rýhanı taǵylym alyp qaıtty.

Ustaz Zarına Shamıdýllaqyzynyń basshylyǵymen ótken keshke Elorda meshitteriniń ustazdar qaýymy shaqyrylyp, ýaǵyz-nasıhat aıtyldy. Arnaıy koých-trenerler shaqyrylyp, Ramazan aıyn paıdaly ótkizýge jáne  ýaqytty tıimdi paıdalanýǵa keńester berildi.

Qasıetti Quran aıattarymen bastalǵan berekeli kesh barysynda meshit shákirtteri arnaıy sahnalyq kórinister qoıyp, kórermenniń kóńilin bosatyp, kózine jas uıalatty. Sondaı-aq, qonaqtar arasynda vıktorınalyq oıyndar oınatylyp, jeńimpazdarǵa estelik syılyqtar tartý etildi. QMDB Áıel-qyzdar sektorynyń jetekshisi Dınara Qutqojaqyzy da sóz sóılep, Ramazan aıynyń berekeli ótýin tiledi.

Sondaı-aq, keshte arnaıy daıyndalǵan birneshe beınerolıkter kórsetilip, kelgen qonaqtardy erekshe áserge qaldyryp, tyń aqparattarǵa qanyqtyrdy.