Jastar isi sektorynyń is-sharalar jospary jasaldy (FOTO)
QMDB Ýaǵyz-nasıhat bólimine qarasty Jastar isi sektorynyń oblys ortalyqtaryndaǵy jetekshilerimen onlaın-jıyn ótti.
Jıynǵa QMDB Ýaǵyz-nasıhat bóliminiń meńgerýshisi Batyrjan Berdenuly men Jastar isi sektorynyń meńgerýshisi Ádilet Rahymuly qatysty. Basqosý barysynda Jastar isi sektorynyń 2021 jylǵa arnalǵan jyldyq jospary talqylandy.
Sektor bıyl 4 baǵyt boıynsha jumys atqarady. Olar – nasıhat, saýattylyq, qoǵamdyq jumystar jáne sport. Osy atalǵan baǵyttar negizinde ár aıǵa arnalǵan is-sharalar jospary jasaldy.
Sonymen qatar jıyn barysynda jastarǵa jaýapty mamandar josparǵa baılanysty óz usynys-pikirin bólisip, aldaǵy atqarylatyn jumystar boıynsha suraqtaryna jaýap aldy. Odan bólek Jastar isi sektorynyń oblystarda jańadan taǵaıyndalǵan keıbir jetekshileri de jınalysqa qatysyp, ózin ujymǵa tanystyrdy.
