Jastar isi sektorynyń qańtardaǵy qarqyny
Qazaqstan musylmandary dinı basqarmasy Ýaǵyz-nasıhat bólimine qarasty Jastar isi sektory qańtar aıynda respýblıka boıynsha kóptegen is-sharalarǵa uıytqy boldy.
Máselen sektordyń óńirlerdegi jaýapty mamandarynyń atsalysýymen nasıhat baǵyty boıynsha 180 is-shara uıymdastyrylsa, saýattylyq baǵytynda 120 ıgi shara júzege asty. Sonymen qatar qoǵamdyq baǵyt boıynsha 82, al sporttyq baǵytta 54 is shara uıymdastyryldy.
Odan bólek ótken aıda onlaın formatta «Kálımá sháhádát» taqyrybynda jastarǵa nasıhat aıtylsa, QMDB janynan jaryq kórgen «Zııatker ımam» qujaty jas shákirtterge, ımam-moldalarǵa tanystyryldy. Eldegi karantın jaǵdaıyna baılanysty ZOOM arqyly aýdandyq, qalalyq Jastar isi sektory jaýaptylarymen onlaın-kezdesý ótip, 2021 jylǵa jospar quryldy.
