Jastar kúnine arnalǵan onlaın semınar ótti (FOTO)
Elordada QMDB Jastar isi sektorynyń uıymdastyrýymen «Jastyq shaqtaǵy kemeldilik» taqyrybynda onlaın formatta respýblıkalyq jastar semınar-trenıngi ótti.
Halyqaralyq jastar kúnine oraı uıymdastyrylǵan semınar maqsaty – Jastardyń ishki potentsıal men shyǵarmashylyq qabiletterin arttyrý jáne ózin-ózi damytýǵa alǵysharttar berý, sondaı jastar arasynda ıhsan ilimin nasıhattaý.
Semınar-trenıngke QMDB Tóraǵasynyń orynbasary, naıb múftı Ershat qajy Aǵybaıuly men Ýaǵyz-nasıhat bóliminiń meńgerýshisi Batyrjan Berdenuly, sondaı-aq, sport, psıhologııa jáne tulǵalyq damý salasy boıynsha spıkerler – Jastar isi sektorynyń meńgerýshisi Ádilet Rahymuly, abaıtanýshy «Tolyq adam jáne 4 damý» jobasynyń avtory Ernat Melsuly, Nur-Múbarak Egıpet ıslam mádenıeti ýnıversıtetiniń oqytýshysy, PhD doktorant, ıslamtanýshy Ábilqaıyr Mádıuly, «Qsport» jobasynyń jetekshisi, sport jattyqtyrýshy Jandos Abýmýtalıfuly men psıhologııa ǵylymdarynyń magıstranty, jas psıholog Aqtorǵyn Danııarqyzy qatysty.
Aldymen naıb múftı Ershat qajy Aǵybaıuly jastyq shaq pen jastardyń Islam dinindegi orny, Paıǵambarymyzdyń (oǵan Allanyń salaýaty men sálemi bolsyn) adam ómiriniń albyrt kezeńine qatysty hadısterin baıandap ótse, abaıtanýshy Ernat Melsuly esti kisi jáne tolyq adam bolýǵa talpynýdyń Abaı men Shákárim atap kórsetken alǵysharttaryna toqtaldy. Al ıslamtanýshy Ábilqaıyr Mádıuly musylman jastardyń qyzmettik potentsıalyn kóteretin 12 qadamdy jiktep berse, dzıýdo bapkeri Jandos Abýmýtalıfuly jastyq shaqtaǵy tán saýlyǵyn saqtap, fızıkalyq múmkindikterdi damytýdyń mańyzyn atap ótti.
Budan keıin Jastar isi sektorynyń meńgerýshisi Ádilet Rahymuly Islamdaǵy ózin-ózi damytýdyń praktıkalyq nusqaýlyqtaryna keńinen toqtalsa, jas psıholog Aqtorǵyn Danııarqyzy kúızelisten qutylý men motıvatsııa alý joldaryna qatysty keńesterin bólisti.
Aıta keteıik, semınar-trenıngke ZOOM platformasynda 200-ge jýyq adam qatysty. Sonymen birge MÝFTIIaT QMDB Youtube kanaly men @muftiyatkz ınstaparaqshasynda tikeleı Efırden kórsetildi.
