«Jasyl aımaqtardaǵy» meshitterde juma namazy oqyldy (FOTO)

Búgin elimizdiń birqatar «jasyl aımaqtarynda» ornalasqan qala, aýdan, aýyl meshitterinde juma namazy oqyldy.

Qaraǵandy oblysy, Osakarovka aýdandyq «Toqa Baıǵozy» meshitinde QMDB tóraǵasy, Bas múftı Naýryzbaı qajy Taǵanulynyń qatysýymen juma namazy ótti. Bas múftı jamaǵatqa aıtqan qutbasynda «Isra jáne Mıǵraj oqıǵasy» jóninde tilge tıek etti. Jınalǵan jamaǵatpen birge juma namazyn oqyp, el amandyǵy úshin duǵa jasady.

Aıta keteıik, Nur-Sultan, Almaty qalalary jáne Aqmola, Pavlodar, Qostanaı men Batys Qazaqstan oblystarynan ózge aımaqtardaǵy meshitterde sanıtarlyq talaptardy saqtaı otyryp, juma namazy oqyldy.