Joroboı Sherǵazyev: Ǵalymdardyń alla aldyndaǵy dárejesi joǵary (FOTO)
Búgin Túrkistan oblysy Saryaǵash aýdanynda bastalǵan Ábdisattar, Ábdiǵappar Shákiruldarynyń rýhyna arnalǵan «Din rýhanııatynyń ulaǵatty ustazdary» halyqaralyq ǵylymı-tanymdyq konferentsııasyna arnaıy kelgen Qyrǵyzstan múftıiniń mindetin atqarýshy Joroboı qajy Sherǵazyev alqaly jıynnyń mańyzyna toqtalyp, ǵalymnyń Alla aldyndaǵy dárejesi jaıynda nasıhatyn jetkizdi.
«Quran aıatynda: «Alla senderden ımanǵa kelgenderdiń jáne bilim berilgenderdiń dárejelerin kóteredi», ‒ delingen. «Alla Taǵala pendeleriniń ishinen ilimdi tartyp almaıdy, Alla ǵalymdardyń janyn alýmen ilimdi tartyp alady» degen Muhammed (oǵan Allanyń salaýaty men sálemi bolsyn) paıǵambarymyz. «Ǵylym zaman turǵansha turady» deıdi Hazireti Álı. Mine, ǵalymdarymyz jaıly Quran men hadıste osylaı delingen. Al búgingi konferentsııanyń ózegine aınalǵan qos aǵamyzdyń eńbegi erekshe. Kórshi qyrǵyz eli de qurmet tutady. Eńbekterin oqımyz. Alla Taǵala osy dúnıede atqarǵan saýapty amaldaryn qabyl etsin. Bul áýletke bereke tileımin!», – dedi Joroboı qajy Sherǵazyev.
