Juma namazy oqylýyna oraı qurban shalyndy
Búgin kıeli Túrkistan oblysyna resmı saparmen barǵan QMDB tóraǵasy, Bas múftı Naýryzbaı qajy Taǵanuly elimizde qaýipsiz «jasyl aımaqta» ornalasqan aýyl meshitterinde juma namazynyń oqylýyna oraı qurban shaldy.
Qurban shalý rásiminde Bas múftı: «Ýa, Alla Taǵala! Ár istiń sońǵy nátıjesi Saǵan ǵana aıan. Bizge bul synaqty jeńildet, onyń sońyn qaıyrly et. Ózińniń razylyǵyń úshin shalǵan qurbandyǵymyzdy qabyl alǵaısyń. Elimizdegi kúlli meshittiń esigin juma namazǵa tolyq ashqaısyń. Jer betinen juqpaly indetti joıyp, bul synaqty qýanyshqa ulastyra gór. Elimizge amandyq, jerimizge tynyshtyq násip et. Halqymyzdy túrli búlikten saqtap, birligin bekem etkeısiń. Ámın!» dep duǵa etti.
Aıta ketsek, qurban shalý rásimine QMDB Apparat basshysy Ǵylymbek Májıev, Sharıǵat jáne pátýa bóliminiń meńgerýshisi Sansyzbaı Qurbanuly, Aqparat jáne qoǵammen baılanys bóliminiń meńgerýshisi Marat Bektazınov, Túrkistan oblysynyń bas ımamy Erkebulan Qaraqulov pen Shymkent qalasynyń bas ımamy Baqdáýlet Ábdirahmanov qatysty.
