«Zııatker ımam» tujyrymdamasy bekitildi (FOTO)
Búgin elordada ótken «Islam – mádenıet pen izgiliktiń bastaýy» atty ımamdardyń IV respýblıkalyq onlaın-forýmynda «Zııatker ımam» tujyrymdamasy bekitildi.
Forýmda atalǵan qujatty jan-jaqty tanystyryp, baıandama jasaǵan QMDB Dinı bilim jáne kadr daıyndaý bóliminiń meńgerýshisi Smaıyl Seıitbekov: «Qazaqstan musylmandary dinı basqarmasy respýblıka boıynsha meshitterde qyzmet etetin ımamdar arasynan bilimi men biliktiligine, iskerligi men jaýapkershiligine sáıkes joǵary sanatqa irikteý úshin din qyzmetkerlerine qoıylatyn birqatar talaptar men erejeler qamtyǵan «Zııatker ımam» qujatyn ázirledi. «Zııatker ımam» tujyrymdamasy zaman talabyna saı zııatker ımam degen mártebege laıyqty din qyzmetindegi mamandardy irikteý men olarǵa mártebe berýdi kózdeıdi. Sonymen qatar meshitterde qyzmet jasaıtyn ımam-ustazdardyń jasampaz, dinı máselelerdi úılestirýdi sheber meńgergen bilimdi, bilikti, úlgili, isker, dinı aǵartýshy maman bolýyn maqsat etedi» dep atap ótti.
