Ata-anany qandaı jaǵdaıda tyńdamaý kerek?

04 aqpan 2021 5662 0
Оqý rejımi

Assalaýmaǵaleıkým!
Meniń suraǵym, ata-anamnyń qandaı buıryǵyn oryndamaýǵa aqym bar? Sálemmen, Táýba.


Ответ

Ýa aleıkým assalam!
Alla Taǵala ata-anaǵa jaqsylyq etýge ámir etedi. Ata-anany qurmetteý jáne erekshe qadirleý – árbir musylmannyń perzenttik paryzy. Quran Kárimde: «Al, eger ol ekeýi ózinde bilimi bolmaǵan nárseni Maǵan serik etip qosýyń úshin umtylyp, áreket etse, onda olarǵa baǵynba. Biraq, bul dúnıede olardy quptalǵanǵa saı qarap, kút...[1]», – delingen.

Demek, áke-shesheni tyńdaýmen Alla ámirine qarsy kelýge tyıym salynady. Alladan basqa bir nársege qulshylyq etýge tárbıelese, onda ata-anaǵa boıusynýǵa bolmaıdy. Jáne hadıste: «Jaratylǵan (pendege) boısunýmen Jaratqanǵa kúná jasaý joq[2]», – dep aıtylǵan. Mysaly, dúkennen araq-sharap ákelýge jumsasa, onda tyńdamaý kerek. Tyńdamaý – qarsy shyǵý emes. Sondyqtan, qandaı jaǵdaıda bolmasyn ata-anaǵa meılinshe jumsaq qarym-qatynas jasaý – perzentke mindet.

Túıindeı aıtatyn bolsaq, tek bir jaǵdaıda ǵana atap aıtqanda, Alla Taǵalaǵa serik qosý jáne kúná amaldarǵa buıyratyn sózderinen basqa barlyq jaǵdaıda ata-ananyń sózin eki etpeý qajet.


[1] Luqman súresi, 15-aıat
[2] Ahmed, Hakım

Pіkіrler Kіrý