АСТАНА ҚАЛАСЫНЫҢ МЕШІТТЕРІНЕ «MUFTYAT» БАСПАСЫНЫҢ КІТАПТАРЫ ТАРАТЫЛДЫ (ФОТО)

Астана қаласы өкілдігіне қарасты «Әзірет Сұлтан» мешітінде өкілдіктің имам, ұстаздарының қатысуымен жиын өтіп, «Muftyat» баспасынан жарыққа шығып жатқан кітаптар таныстырылды.

Қазіргі уақытта қалың бұқараның діни оқулықтарға деген сұранысын қанағаттандыру мақсатында діни басқарма өзінің төл баспасынан көптеген кітаптарды жарыққа шығарып келеді. Осыған сәйкес, рухани туындылардың жамағатқа жол тартуы үшін қаладағы құлшылық үйлерінің бас имамдарына тапсырылды.