«ӘЗІРЕТ СҰЛТАН» МЕШІТІ: АПТА САЙЫН «РАМАЗАН ЖӘНЕ БАС ИМАМ САҒАТЫ» ӨТЕДІ (ФОТО)

Елордадағы «Әзірет Сұлтан» мешітінде апта сайын «Рамазан және бас имам сағаты» айдары бойынша уағыз-насихат айтылуда.

Аталмыш айдар бойынша осы жолы қала бас имамы Ерболат Нұрылдаұлы Рамазан айының қадір-қасиеті мен осы кезеңде жасалар амалдардың мол сауабы жайында айтып, қасиетті айды құлшылықпен өткізуге шақырды. Бесін намазының алдында айтылар уағыз-насихатқа мешіт жамағаты қатысып, тағылымды дүниелерге қанықты. 

Сондай-ақ, «Әзірет Сұлтан» мешітінің инстаграм парақшасында (@aziretsultanmosque) күн сайын сағат 17:10-да ұстаздармен тікелей эфир өтуде. Мешіт ұстаздары Рамазанға қатысты әртүрлі тақырыптарда уағыз-насихат жұмыстарын жүргізіп келеді. Тікелей эфир арқылы өтіп жатқан онлайн Құран хатым жобасы да осы тізбекті жалғайды.

Аталмыш игі бастамалар Рамазан айы бойы жалғасын табады.