«ЫРЫСКЕЛДІ ҚАЖЫ» МЕШІТІ ҚАРТТАРҒА ҚҰРМЕТ КӨРСЕТТІ (ФОТО)

ҚМДБ Астана қаласы өкілдігіне қарасты «Ырыскелді қажы» мешітінің бас имамы Нұрлан Байжігітұлы мен наиб имам Яхья Исмаилов Астана қаласы әкімдігінің «Шарапат» әлеуметтік қызмет көрсету орталығының құрылғанына 35 жыл толуына орай өткізілген арнайы кешке қатысты.

Рухани кеште құлшылық үйінің бас имамы ширек ғасырдан астам уақыт бойы қарттарға қызмет көрсетіп келе жатқан мекеме ұжымы мен басшылығына алғыс айтты.

Сондай-ақ қазыналы қарттарға демеу бере отырып, көркем түрде уағыз-насихатын арнады. Және де ақсақалдар мен ақ жаулық аналарды қасиетті Рамазан айымен құттықтап, арнайы сыйлықтар ұсынды.