АСТАНАДА ҚЫЗ-КЕЛІНШЕКТЕР МЕКТЕБІ ҚАЙЫРЫМДЫЛЫҚ ШАРАСЫН ҰЙЫМДАСТЫРДЫ (ФОТО)

Астана қаласы өкілдігінің «Рахымқызы Раиса ана» мешітіндегі қыз-келіншектер мектебі қасиетті Рамазан айының құрметіне қайырымдылық шарасын ұйымдастырды.

Игі бастама аясында көпбалалы және жалғызбасты аналарға, сондай-ақ мүмкіндігі шектеулі балаларды тәрбиелеп отырған 10 отбасыға азық-түлік себеттері таратылды. Себеттерге күнделікті тұрмысқа қажетті азық-түлік өнімдері салынып, мұқтаж жандарға қолдау ретінде ұсынылды.

Өз кезегінде көмек алған отбасылар ұйымдастырушыларға алғыстарын білдіріп жатты.

Дереккөз: ҚМДБ Астана қаласы өкілдігінің баспасөз қызметі