«ӘЗІРЕТ СҰЛТАН» МЕШІТІНІҢ ҰЙЫМДАСТЫРУЫМЕН «КӨКТАЛ» МЕШІТІНДЕ АЗЫҚ-ТҮЛІК ТАРАТЫЛДЫ

«Әзірет Сұлтан» мешітінің ұйымдастыруымен Астана қаласы өкілдігіне қарасты «Көктал» мешітінде әлеуметтік жағдайы төмен, көмекке мұқтаж отбасыларға қайырымдылық жасалды.

Игі шараға «Зекет және қайырымдылық» қорының Астана қаласы бойынша жауапты маманы Нұрбол Оразбай мен мешіт қызметкерлері қатысты.

Үрдіске айналған дәстүрлі қайырымдылық шарасы аясында мұқтаж отбасыларға күнделікті тұрмысқа қажетті азық-түлік өнімдері салынған қораптар табысталды.

Дереккөз: ҚМДБ Астана қаласы өкілдігінің баспасөз қызметі