ҒҰЛАМАЛАР КЕҢЕСІНДЕ ПӘТУАЛАР ҚАБЫЛДАНДЫ

Бас мүфти Наурызбай қажы Тағанұлының төрағалығымен Астана қаласында өткен Ғұламалар кеңесінің 49-шы мәжілісінде бірқатар пәтуалар қабылданды. 

Олардың қатарында «ЖИ жасаған ғылыми контентті өзіне телу үкімі», «Жасанды етті (Lab-grown meat) қолдану үкімі», «Кебінге Құран аяттарын жазудың үкімі», «Моральдық зиян үшін өтемақы алудың үкімі», «Банктік тауарруқ үкімі» сынды пәтуалар бар.

Сондай-ақ, жиын барысында Ғұламалар кеңесі «Ұстаздың тұлғалық келбеті» және «Діни білім беру ұйымдарындағы шәкірт әдебі және рухани-тұлғалық бейнесі» секілді құжаттарды қарады.

Мәжілісте қабылданған пәтуалардың мәтіні ҚМДБ-ның ресми масс-медиасында жарияланады.

​

Дереккөз: ҚМДБ Баспасөз қызметі