АСТАНА МЕШІТТЕРІНДЕ РАМАЗАНҒА ҚАТЫСТЫ ПӘТУА САҒАТТАРЫ ӨТІП КЕЛЕДІ (ФОТО)

Қазақстан мұсылмандары діни басқармасының «Рамазан-2024» жоспарына сәйкес Астана қаласы өкілдігіне қарасты мешіттерде «Оразаны дұрыс ұстап жүрміз бе?» тақырыбында пәтуа сағаттары өтіп келеді.

Мешіттің имам, ұстаздары жамағаттың оразаға қатысты сұрақтарына отыз күн бойы жауап беріп, ауызы берік жамағаттың ұстаған оразалары барынша күмәнді ойлар мен қателіктерден алыс болуына өз септіктерін тигізбек.

Айта кетсек, бұдан бөлек Қазақстан мұсылмандары діни басқармасының Рамазан айына орай бүкіл өкілдіктерге берген тапсырмаларына сәйкес әртүрлі игі жобалар жүзеге асып келеді. Қайырымдылық шаралары, ауызашарлар мен уағыз кештері, семинарлар, Құран дәрістері, онлайн сабақтар, ауызашар қоржындары және т.б.