ҚМДБ ТӨРАҒАСЫ РЕСМИ САПАРМЕН ҚАТАРҒА КЕЛДІ

Қазақстан мұсылмандары діни басқармасының төрағасы, Бас мүфти Наурызбай қажы Тағанұлы Қатар мемлекетіне ресми сапармен барып, Қатар Даму қорының басқарма төрағасы Шейх Тәни бин Хамад бин Халифа Әл-Тәни және Бас директор Фахд бин Хамад Әл-Сулейтимен кездесті.

Сапар барысында Бас мүфти Қазақстанға көрсеткен қолдауы мен діни жобаларды дамытуға қосқан үлесі үшін Қатар тарапына алғысын білдірді. Сондай-ақ, ұзақ мерзімді қайырымдылық істері мен халыққа көрсеткен ерекше қамқорлығы үшін ризашылығын жеткізді.

Қазақстан мұсылмандары діни басқармасы төрағасы, Бас мүфти Наурызбай қажы Тағанұлы Катар мемлекеті қолдауымен салынған «Әл-Фараби мешіті» – Астананың маңызды діни орындарының бірі және екі ел арасындағы достық пен бауырластықтың символы екенін атап өтті.

Кездесу соңында Қатар Даму қорының басқарма төрағасы Шейх Тәни бин Хамад бин Халифа Әл-Тәни Бас мүфти бастаған делегацияға сәттілік тілеп, Қазақстан мен Қатар арасындағы ынтымақтастықты одан әрі тереңдетуге дайын екенін жеткізді.





 

Дереккөз: ҚМДБ Баспасөз қызметі