«СӘДУАҚАС ҚАЖЫ ҒЫЛМАНИ» МЕШІТІНДЕ ОТБАСЫ ҚҰНДЫЛЫҚТАРЫ НАСИХАТТАЛДЫ

«Сәдуақас қажы Ғылмани» мешітінде «Рамазан және отбасы» тақырыбында насихаттық кездесу өтті.

Дін және отбасы бағыты мен Жастар ісі секторының ұйымдастыруымен өткен іс-шараға мешіт жамағаты мен қала тұрғындары қатысып, рамазан айының рухани маңызы мен отбасы қоғамның негізі екені, сондай-ақ қасиетті айда сабыр, мейірім, өзара құрмет пен ауызбіршілікті арттырудың маңыздылығы жайында тағылымды ойлар айтылды.

Кездесу соңында жиналған жамағатқа сый-сияпаттар табысталып, ел тыныштығы мен жұрт амандығы үшін дұға жасалды.

Дереккөз: ҚМДБ Астана қаласы өкілдігінің баспасөз қызметі