«Áljan ana» meshitinde «Islam men ulttyq dástúr úndestigi» taqyrybynda dóńgelek ústel ótti

Astana qalasynda áıel-qyzdar sektorynyń uıymdastyrýymen «Áljan ana» meshitinde «Islam jáne ulttyq dástúr – adal qoǵamnyń qos tiregi» atty dóńgelek ústel ótti.

Is-sharany meshittiń bas ımamy Altynbek Utyshanuly ashyp, taqyryp aıasynda mańyzdy oılarymen bólisti. Jıyn barysynda ıslam qundylyqtary men ulttyq dástúrdiń ózara sabaqtastyǵy, qoǵam tárbıesindegi róli keńinen talqylandy.

Sektor jetekshisi Beket Kúlsara sóz sóılep, jıynnyń mańyzdylyǵyna toqtaldy. Sonymen qatar, «Áljan ana» meshitiniń ustazy Baqytgúl Jıkenova jáne elorda ustazdary Ásel Qydyrmına men Murat Aıgerim óz pikirlerin bildirip, dástúrli ıslam men ulttyq tárbıeniń qoǵamdaǵy orny týraly oı qozǵady.

Is-shara sońynda Altynbek Utyshanuly qatysýshy ustazdarǵa «Islam jarastyra ma, talastyra ma?» atty kitabyn syıǵa tartty. Sonymen qatar, ár ustazǵa óz baǵytyna saı tapsyrmalar pysyqtalyp, aldaǵy jumystarǵa qatysty naqty mindetter júkteldi.

Источник: Aisha