QAZAQSTANDYQ QAJYLAR QAJYLYQ QULShYLYǴYNYŃ NEGIZGI RÁSIMDERIN TOLYQ ATQARDY

Qasıetti Mekke qalasynda qajylyq saparymen júrgen qazaqstandyq qajylar Islam dininiń bes paryzynyń biri sanalatyn qajylyq ǵıbadatynyń negizgi rásimderin tolyq oryndady.

Qajylar qajylyq amaldaryn Tárýııa kúni ıhram haline enip, Mına jazyǵyna bet alýdan bastady. Odan keıin Arapa kúni Arafat jazyǵynda turyp, Alla Taǵaladan keshirim, meıirim jáne amandyq tilep duǵa jasady. Arafattaǵy qulshylyqtan soń Muzdalıfa aýmaǵynda túnep, qajylyq rásimderin ardaqty Paıǵambarymyzdyń (oǵan Allanyń salaýaty men sálemi bolsyn) súnnetine saı jalǵastyrdy.

Qurban aıttyń alǵashqy kúni qajylar Jamaratta tas atý rásimin oryndap, qurbandyq shalyp, qasıetti Qaǵbany taýap etti. Aıttyń ekinshi jáne úshinshi kúnderi Mına jazyǵynda bolyp, jamarattarǵa tas atý rásimderin jalǵastyrdy.

Qazaqstan musylmandary dinı basqarmasy janyndaǵy Qazaqstan Qajylyq mıssııasy qajylardyń qulshylyqtaryn talapqa saı oryndaýyna jan-jaqty qoldaý kórsetýde. Mıssııa músheleri uıymdastyrý jáne úılestirý jumystarymen qatar, dinı-aǵartýshylyq qyzmet atqaryp, qajylardyń saýaldaryna jaýap berýde, pátýalyq túsindirý jumystaryn júrgizýde, sondaı-aq medıtsınalyq jáne aqparattyq kómek kórsetýde.

Qajylyq maýsymy barysynda Qajylyq mıssııasy Saýd Arabııasy Koroldiginiń ýákiletti organdarymen, Qazaqstan Respýblıkasynyń dıplomatııalyq ókildikterimen jáne qajylarǵa qyzmet kórsetetin týroperatorlarmen turaqty baılanysta jumys istep, otandastarymyzdyń qaýipsizdigi men qajylyq rásimderin sapaly atqarýyna erekshe mán berýde.

Alla Taǵala barlyq qajylardyń ǵıbadatyn qabyl etip, elge aman-esen oralýyn násip etsin.